فين راحت لمتنا على طبليتنا

فين ضحكتنا الحلوة مع أكلتنا

فينك يا زمانا

تعال وشوف إيه إيلى جرالنا

راحت فين أحلامنا

سافرت من غربة أيامنا

فينك يا إمبارح لما لبكرة كنا بنستنا

وأنادي عليه ولسماع صوتنا بنتمني

بخيل كان زمانا وألا فقير ما كنش مقدرنا

جال إيه_مكانش معاه إيلي يفرحنا

بالذمة فى حد منكم مصدقنا

أغراب بحياتنا ولا حد لصوتنا بيسمعنا

ما يكنش خلاص أحنا أدمنا

وأنستونا ومسحتوا وجودنا

وما عدناش لينا ذكري

ليه تخلونا نزعل من بكرة

ونتمنى إمبارح ما يفارقنا

وسبونا عايشين فى زمانا

ذى ما أحنا

من غير ما بكرة يسرقنا

بأفكارة ويغيرنا

ويناسينا عادتنا وتقالدنا

والله زمان يا حارتنا

لما الحزن يهوب من بيتنا

وحشتنا وقفه شباب حتتانا

في شدتنا

وجيرنا فى أزمتنا

هما دول أخوتنا ودايمآ سندنا

ولسه ما خلصت حكايتنا

مش دية أخرتنا

ولا نهاية قصتنا

يا إمبارح شيلينك فى قلوبنا

ويا بكرة شيفينك قدامنا

يا ترى فاكرنا وآلا نساتنا