حسيت بيك وسط أنفاسي بين الثنايا و الضلوع

حاجه كدا وحياة اللي خالقني وخالق الناس دية والجموع

نفسي أكون وياك و تكوني معايا

نعيش أجمل ايامنا براااحه وعلي ضي الشموع

إبعديني عن اي شئ يجهد قلبي كفايه

عليه حيره لساه موجوع

إن كان من ظلم الدنيا والخلايق اللي ضجيجهم بقي عالي ومسموع

برغم إن فيه منهم مخنوق جوا سردابه

بس هيعمل أيه قافل علي نفسه بابه

وإن طال يختفي من وشوش البشر هيختفي جوا دولابه

محتار يظهر مهو كل واحد م الديانه عايز حسابه

اصل الغلا زاد وفاض منه الكيل

لا نافع معاه عيشه كمان ع القد ولا سهر طول الليل

مش لاقي حل يعيش منه والله ماهي نافعه لو غناها قصص ومواويل

وغيره عايش بس مش في دماغه يدور على

حاجه تشبه روحك الطيبه

اللي دخلت قلبي وسلم ليها وقالي تصدق إنها بقت قريبه

قولتله يا قلبي دي اللي كنت بدور عليها

معلش سامحني

النصيب وممكن وقتها كانت صغيره

ع العموم خلي بالك منها بنت حلال هتبقى ليك

حنينه أكتر من نفسك اللي جواك تعبانه ومتحيره