أعرف قدر نفسك أولا قبل أن تطالب بالتغير

أعرف قدر نفسك أولا قبل أن تطالب بالتغير

في دوامة اليأس والخسارة والتاقلم والواقع والمنطق والتعلم من الماضي والجنئ على المستقبل فمن المستفيد ومن الجاني وماذا يجني من يفكر في المستقبل بنظرة الهلع الخائف ، ولا المخطط المستفيد العازم إلا تشتت العزمات وضياع الهمة والغرق في دوامة اليأس والمزيد المزيد من الخسائر لان هناك نوعين أساسيين من البشر موجودين في هذا العالم على مر جميع العصور والحقب والأزمنة النوع اللي بيفكر والنوع اللي بينفذ ولن نستقيم بدون وجودهم النوعين من أهم الكوارث اللي حلت علينا بسبب خطاب التنمية البشرية اللي بالنسبالي انا من أفشل وأسوأ الخطابات الي اتقدمت للبشرية في العصر الحديث إنهم دخلوا ف دماغ الناس فكرة إن أي حد فينا ممكن يغير الكون إنك لو مفكرتش برة الصندوق تبقى متخلف وتقليدي ودماغك فاضية إنك لو مفجرتش قدراتك الداخلية هتعيش طول عمرك مالكش لازمة زليل عويل إنك لو مش كرييتڤ تبقى فلاح وإن عادي جداً إن كل الناس تبقى فتوات فمنلاقيش حد يتضرب

انا مش ضد إني أنمي نفسي لكن الأصول والعقل والمنطق بيقولوا إني أعرف نفسي الأول وبعدين أنميها أعرف أنا أنهي نوع فيهم أنا اللي بفكر ولا اللي بنفذ وبعد كده أبدأ مشوار التنمية لإن زي ما فيه إبداع في التفكير فيه إبداع في التنفيذ

لو أنا اكتشفت اني شخص عادي يبقى مش عيب إني اعيش حياة عادية واشتغل شغلانة عادية واجتهد فيها عشان أبقى من أحسن الناس العادية اللي موجودة مش شرط خالص إني عشان أحس بقيمتي كإنسان إني أبقى شخص مبتكر ومتجدد ومليء بالأفكار الوجودية الخلابة خطر جداً في رأيي إني أبدأ أنمي نفسي من قبل ما اعرفها أولاً وأقبلها بمشاكلها وزبالتها لازم أحسس برجلي الأول على الأرض اللي أنا واقف عليها وأستوعبها كويس قبل ما أتحرك واعرف انا هدوس فين لازم تعيش كا انت مش كأي حد تاني اتحكالك عنه ف محاضرة ولا سمعت عنو ف درس انه غير الكون وانه عمل وعمل وعمل بعد كده اقعد اتكلم مع نفسك ف إزاي ممكن أكون الشخص الي مفيش منو ده وإزاي أنا مستحمل نفسي كل الفترة دي من غير ما أساهم في تغيير الكون و الواقع وأعيش بقيت عمري ناقم على حياتي وقدراتي العادية من غير ما تحاول تفهم أنت مين وتقدر تعمل إيه.

الكلمات المفتاحية أعرف قدر نفسك أولا

مقالات مشابهه

من قسم آخر


التعليقات

ضعي تعليقَكِ هنا

التقيمات

راديو القمة

radio

فيس بوك

a
;