انا واحد ماليش لزوم
في نظر كل الناس
انا واحد بقيت معدوم
وماليش ع الارض اساس
انا واحد لو فكر يقوم
يضرب بالجزمه ع الراس
انا واحد دايما مخدوع
ان محبوب عشان شاعر
وكل ما افكر ف موضوع
يطلع الموضوع واعر
انا واحد فكر يكون رومانسي
لقي نفسه بليد ف المشاعر
انا واحد تملي ضايع
وقاعد علي الجسور
من قهوه لقهوه وصايع
ومش شايف حتي النور
انا واحد بيحاول يرسم حلم
تاه قلمه مابين السطور
انا واحد تملي شايف
ان الناس كلها مجانين
بس تملي بيكون خايف
يصارحهم لا يكونوا عارفين
انا واحد تايه ف الجراح
بقالوا ع الحال ده سنين
انا واحد مسكين و ف حالي
برسم حلمي علي الصبابير
وكل اللي شاغل بالي
ازاي اكون شاعر كبير
انا واحد لو ناس شافته
بتقول عليه ده خنزيير
انا واحد عايش و خلاص
يمكن اكون جوايا اهداف
لكن بقيت وسط الناس
اضحوكة بس و اختلاف
انا واحد لو شاف النجاح
يعيش عليه كإنه جفاف
انا واحد عايز يعيش
من غير ما حد يعاديني
شكلي حلو ولا وحش مايهمنيش
بس الاقي اللي يواسيني
انا واحد مكسور و مافيش
حد راضي يمسكني ويعديني