المركب اللي تودي
مش عايزها تجيب تاني

تمشي بسرعة ولا تهدي
على شطي وتنساني

اخترت اعيش انا وقلبي
امير ليلي بأحزاني

وابعد عن اى شئ بيلحقني
والنيه يهد احلامي

إنسان عجيب
طبعه غريب
عامل حبيب

يقرب مني ويتمكن
وفجأة يسبني ف وحدتي
عايز يشوف دمعتي
فاكرني من غيره اعاني

وحقيقته كانت باينه
يا نفوس مريضة
يا قلوب خاينه

الغدر منكم قواني

ولا عمري ليكم يوم اسلم
ولا عمري اغير عنواني

المركب اللي تودي
مش عايزها تجيب تاني

عصفور وطاير ف الخلا
تايه بعيد عن عشه

طاير حزين ياترى
مين ف دنيته غشه

مكسور جناحه ومتحمل

صابر وراضي بقسمته
حالف يكمل سكته
ولغير ربه مايشكي حاله

المركب اللي تودي
مش عايزها تجيب تاني

يا دنيا الاغراب

ودعت فيكي كل الاحباب
وبإيدي قفلت كل الابواب

مش ح اسمح تاني
لعتاب وحساب

جرحوني كمان
حتى الاصحاب

خلاص يا دنيا شطبتي
والمركب اللي تودي
مش عايزها تجيب تاني
كلمات / إسلام عامر