قد يعجبك أيضاً
لآخر مرة
لآخر مرّة ..
باشوف عينيكي
لآخر مرّة ..
بالمس إيديكي
وتفرّق الريح ما بين إيدينا
والمطر يبكي حوالينا
يمسح عناوين البيوت والدروب
والغيوم تكسي المدينة
لآخر مرّة ..
باشوف عينيكي
لآخر مرّة ..
بالمس إيديكي
إتولدنا ف بعضنا طفلين
ورسمنا أحلامنا البسيطة عالحيطان
وكتبنا أسامينا فوق البيبان
لكن شتانا جانا قبل الآوان
لآخر مرّة ..
باشوف عينيكي
لآخر مرّة ..
بالمس إيديكي
برد الطريق بيعصر ملامحنا
والريح بيتدّارى لكن جارحنا
عصفور ومكسور الجناح
صرخته صرخة جراح
والشتا لا بيرحل ولا يسامحنا
واتاري الحب راح
ولآخر مرّة ..
حاشوف عينيكي
ولآخر مرّة ..
حالمس إيديكي
ولآخر مرّة نحلم ببعض
والحلم يبكي عليّا وعليكي
مقالات مشابهه
آخر التحديثات
من قسم آخر
عاجل
راديو القمة
