بوساطة ومحسوبية
الغلبان
بيكون ضحية
حقه كله ضايع
واخده سفيه
بايع القضية

الغلبان
دايما راضي
بالمقسوم
مهما يكون 
مظلوم مهموم
بيكون مع نفسه
تملي كتوم

بوساطة ومحسوبية 
في ناس مفترية
بجحة وعينها قوية
لا تخاف ولا تختشي
وعنهم هتكلم

هتكلم اقول
ع اللي انا شفته
وع اللي بانت
كل حقيقته
وع اللي أمنته
وصدقته
وعمري تاني ما هتألم
ولا أخضع أبدا 
ولا أسلم

شفت ضمير يتباع
خالي م الأوجاع
جارح أوي خداع
ولما الحقيقة تبان
تتقفل كل الببان
يختفي
كل خاين وجباب
يهرب م المواجهة
وم السؤال والحساب

هتروحوا فين من ربنا
ف الدنيا ضيوف كلنا
يوم القيامة
مفيش هروب
لا غالب
ولا مغلوب
كله مكتوب
بالدقيقة والثانية
محسوب
ليه الدنيا تغرنا

لنا تلميذك
ولا خليفتك
انا ندمان
ان عرفتك
وان جيت
ف طريقي وصدفتك
لا كأني قبلتك ولا شفتك
بوساطة ومحسوبية
كلمات / إسلام عامر