أنا إبنك ولا شايفانى عدوك؟!
أنا مين يامصر؟!
أنا الغلبان وأنا الجانى..
وأنا المتباع وأنا الشارى..
أنا الإنسان بلا أوطان..
وأنا وطنك ياأوصالى..
أنا مين يامصر ؟!
انا سمعك فى تنهيدك ..
مع إن اليوم ده يوم عيدك ..
طب ليه حزينة مكفية ..
وليه الدمعة ياقوية ..
أتارى قلبك المؤمن ..
حاسس بغدر جلادك ..
أخدوا من حضنك اولادك ..
كتبوا بالدم على بابك ..
هنا يرقد معنى الفرح..
أنا مين يامصر ؟!
قلتليلى تعالى واتمنى.
وعيش الفرحة واتغنى
بموالى وموالك
وهاتلى النصر.
جيت وانا قلبى متلهف
فارد جناحى على ترابك
اضمك ضمه بشبابى
وتهنى فيك باحبابى
اتارى الفرحة طلعت حزن
واتارى الرملة شوك وسم
أنا مين يامصر؟!
وبسأل روحى فى كل ثانية
لما انتى يا أمى أم الدنيا
طب قولى ليه معندنا
وليه سقيانا كاس المر
ياما شربت فيك قسية
والعمر فى الجراح أهو مر
رسمتك على الجدارة وردة
وفى عز الضلمة هنا شمعة
وعشقتك فراشة فرد جناحها
ألوانها بلون شعاع الشمس
أنا مين يامصر؟!