قولتلك هاوحشك
ماصدقتيش
عاندتي نفسك
وخسرتي قلبك
وخسرتيني
لما قلتي لي افهم بقى
مابقتشي ليك متشوقة
كمل حياتك لوحدك
وانساني وعيش
مش هاقولك
نسيتك وقتها
أكتر م الأول
حبيتك بعدها
وغيرك ف حياتي مفيش
لاني من غيرك
مكنتش قادر
أواجة حياتي واعيش
عشان حبيتك حب كبير
بضمير وبكل اخلاص
عشان اختارك قلبي
من بين كل الناس
قولتلك هاوحشك
ماصدقتيش
أنا من بعد الهجر
ده كله منك ليا
أنا من مر عذابك
وقسوة قلبك
ماتت فيا
كل الحنية
أنا من بعدك
إنتي خلاص
مات القلب
مات الاحساس
ومابقاش في حاجة
تأثر فيا
قولتلك هاوحشك
ماصدقتيش
مش ضعف مني
لما قرب قلبي ليكي
وانتي عنه كنتي بتبعدي
وهمك غرورك ولعبتي دورك
دور القوية وجرحتي فيا
وهانت عليكي دمعتي
سبتيني لوحدي ف سكتي
مسكت قلمي بإيديا
ودموعي كانت مليا عينيا
وكتبتك ماضي وذكرى ليا
بحبر دمي في أچندتي
قولتلك هاوحشك
ماصدقتيش

قولتلك بحبك
مافهمتيش
إن من غيرك
مقدرش
اكمل حياتي واعيش
لييييييييييييييييييه
ليه ماقدرتيش
قولتلك وجودك جوه قلبي
هو حلمي ف الدنيا كلها
إحساسي بيكي
لما اكون مشتاقلك
وعايز أشوفك
واطمن عليكي
وانتي ف دنيا
غير الدنيا
وهمك زمانك
نساكي حبك
وشوقك وحنانك
قولتلك بحبك
مافهمتيش
لازم تدوقي
من عذاب أحزانك
لازم تتوهي
ويخدعك شيطانك
كان مين يقدر يبعدك
يوم واحد عني
بعدك وهجرك وفراقك
بإيديكي إنتي
وكان غصب عني
م انا حظي ف الدنيا
دايما كده
كل الحبايب
تألمني وتصدمني
قولتلك بحبك
مافهمتيش
آه من عذابك إللي انتي فيه
آه من قلب حبك
ومات إخلاص فى حبك
وضاع من بعدك
وتايه مش لاقيه
قولتلك بحبك
مافهمتيش

قولتلك ماترجعيش
للماضي تاني وانسيني
إنسي شوقي ليكي
وحنيني اللي كان
حب تاني
ف قلبي ليكي مفيش
كان زمان
تقربي وتبعدي
توعدي وتخلفي
ولما يجور عليكي زمانك
تغرقي ف بحور أحزانك
تبكي عينيكي
وتوجعك ألامك
ترجعي لي تاني
لالالالالا ابدا والله
رجوعك ليا مايهمنيش
مش هاتبكي تاني
عليكي عينيا
لحد كده وكفاية
إتعودت خلاص
من غيرك أعيش
قولتلك ماترجعيش
فاكرة نفسك ايه
تحت أمرك أنا ولا ايه
ليكي ماضي معايا
عيشي فيه
هو إللي باقي ليكي
مني إفتكريه
وبراحتك عادي
لو عايزة كمان
تنسيه إنسيه
قلبي خلاص قفلته
وجرحي منك داويته
وحبي ليكي نسيته
ومات إحساسى بيه
قولتلك ماترجعيش
م انا اللي كنت
وكنت وكنت
أغلى واوفى
حبيب ليكي
بعت الدنيا
وكل الناس
عشان أرضيكي
هونت عليكي
هونت وهونت
أخلصت ليكي
وعمري ما خونت
وكنت شاريكي
قولتلك هاوحشك
ماصدقتيش
قولتلك بحبك
مافهمتيش
قولتلك
ماترجعيش