متسأليش
إزاي كملت
لوحدي المشوار
متقوليش
فين وعودك
اني اكمل معاكي
باقي عمرك
وكل يوم
تخدعيني
وتهدديني
بفراقك عني
وتخوفيني
من عذاب الانتظار
حبك قلبي
مش ناسيكي
وعقلي اتجنن
من حبي ليكي
مش حب كان
ده كان إنتحار
بيني وبين نفسي
كتبت النهاية
واخدت القرار
وباقولك كفاية
متسأليش
مش هاسمع
أى كلام تاني
ولا هاقبل منك
أي عتاب ولا أعذار
متسأليش
تاني عني
وتيجي ف مكاني
ومعاكي
حبي واحزاني
وتقولي
نبدأ من تاني
وتواجهيني
بشوق وحنان
وتفكريني
بماضي بينا
كان زمان
ارجع ليكي
تبكي عينيكي
توجعيني
وتألميني
وفجأة تمشي
وتسيبيني
تايه قلبي
بين جنة ونار
متسأليش
انا مش قد
جراحك فيا
ليه تعذبيني
ليه يحلالك
دمع عينيا
لو بتحبيني
( انسي )
انسي الماضي
متفتكريش
قلبك من غيري
قدر يعيش
( متسأليش )
متسأليش إزاي
كملت لوحدي
المشوار