ربنا عندما خلق الخلق كل فيها من كل شي زوجين وهذا فى قوله سبحانه " واحمل فيها من كل زوجين اثنين " ليعمروا هذا الكون فقال سبحانه " وخلق لكم من أنفسكم أزواجا لتسكنوا إليها" وقال الرسول الكريم " ان خير متاع الدنيا هي المرأة الصالحة " ومن هنا نبدأ كلامنا عن تلك الايكونه التي تدعى الأنثى
خلق ربنا الخلق وأولها كان سيدنا ادم أبو البشر واسكنه الجنة وفى الجنة فيها من النعيم مالا يوصف ومع ذلك منح الله لأدم عطية جميله وهى حواء حتى يكتمل النعيم والإنس معنى كده ان حواء هي هديه ربانيه لسيدنا ادم ولما خرج سيدنا آدم من الجنة واسكنه الله الأرض خرجت معه حواء حتى يعمروا هذا الكون يعنى وجود حواء فارق في التعمير فهي النص الثاني لسيدنا آدم اللى بيهم إحنا بيقنا موجودين يعنى خرجت لتعمر الأرض مش عشان كانت سبب ذلل سيدنا ادم يعنى الأنثى من يومها وهى مُعمرة فوجود نص تانى في حياتك مهم جدا لتشكيلك وإشباع حوائجك ونص التانى مش بس زوجتك ممكن تكون أمك أو بنتك أو أختك .
المشكلة مش في تصنيف نصفك الآخر بقدر ما يمون فى كيفيه التعامل مع كل نصف على حده يعنى لو قلنا ان زوجتك اللي هي شريكه حياتك اللي هي انسك اللي بتشيل همك واللي معاك دايما على الحلوة والمرة يبقى زوجتك هي نصك التانى ولو أتكلمنا عن أمك اللي هي سهرت لهمك وفرحت لفرحك وبكيت على جرحك واللي شعرها في الحياة أبنى وما بعده الطوفان يبقى أمك أكيد هي نصك التانى ولو قلنا ان أختك اللي هي من دمك اللي في ملامحها منك اللي تشبهك في ضحكتك ومشيتك وخطوتك تبقى أختك هي نصك التانى ولو قلنا ان بنتك اللي هي حته منك اللى بتكون سندها وفارس أحلامها اللي حلمها بيتحول لحلمك اللي لو طلبت منك نجمه تجبلها السماء كلها يبقى بنتك هي نصك التانى
في النهاية أحب أقول ان حواء أتخلقت من ضلع ادم ومش اى ضلع هذا ضلع اعوج يعنى محتاج معمله خاصة جدا بلمسه من الحنان يعنى مش مطلوب منك تقيمه لأنك هتكسرة هي جميله بعوججها وبضعفها يعنى فالأنثى كائن رقيق جدا ضعفه هو سر قوته ربنا خصها بالعاطفة الجياشة عشان تحوى خشونة الرجل عشان كده ربنا جعلها سكن له عشان كده تلاقيها دمعتها قريبه لما تجرحها تبكى ولما هى تجرحك تبكى يا سبحان الله ربنا كمان خلقها جميله كده على بعضها في بنت حلوة بضحكتها وبنت حلوة بصوتها وبنت حلوة بأخلاقها وبنت حلوة عشان عيونها حلوة وبنت حلوة عشان روحها حلوة يعنى من الآخر ما فيش بنت مش حلوة كل البنات حلوين والدليل على كده ان ربنا جعلها زينه على الأرض ومافيش زينه مش حلوه
فى النهاية ربنا جعل الأنثى بجميع أصنافها الأم والبنت والأخت والزوجة هي النص الآخر لحياه الرجل وهى هديه ربنا ليك علشان كده هتلاقى ان الحور العين هي هديه المؤمنين في الجنة حافظ على هديته في الدنيا عشان يُكفائك بهدية أجمل في الآخرة لأنك منها وهى منك