♢دى مجزرة أيوة مجزرة

♢فأطهر مكان بندخله بالوضوء

♢بيت ربنا وصوت الأذان والمصاحف شاهده

♢على اللى حصل دى مجزرة بحق وحقيقي مجزرة

♢أقسي عذاب لما تسمع من طفل ناجى بين مئات

♢القتل بينهم كان سباق مين يقتل أكتر

♢والطفل يجرى والضرب محوطة من كل أتجاه

♢وقلب يبكى مش ضعف منهم عشمان فرحمه

♢ويقول ده بيت ربنا مين بس يرحم

♢وصوت الضحكات تعلى بين أفراد الأرهاب

♢وأمام الجامع ثابت مكانه رافع كفوفه بالتشهد

♢ويقول بأعلى صوت التحيات لله كأنه بيودع الحياة

♢ آخر وداع لأخوك وليا والسبحة والمصلية مستنية

♢لما الخطيب يقول الخطبة فالميكرفون يوصل

♢كلامه بصوت مبحوح كفاية قتل كفاية قتل

♢يمكن يفوق وعقله يرجع .....

♢بس ف مين ياشيخنا بتقول كلام !

♢ده العقل غاب والرحمه ماتت من زمان

♢ومين فيكم هينام وباله وضميره مرتاح

♢ومبيفكرش فاللى راحوا وهما طايرين ملايكة

♢محدش شايفهم غير طيفهم ...

♢بيرفرفوا فوق بيوتهم وبيصبروا أحبابهم

♢ونسي يقولهم هتوحشونى

♢معدش فارق بالنسبالكم ...

♢الساعة بتدق لوقت يوم تقف ملهاش بديل

♢وهتتغطى بنفس الحجر يوم الحجر هيلين

♢ونفسه ينطق بحرف ينتبه له الجبين .