قد يعجبك أيضاً
الدنيا دي مش دنيتي
الدنيا دي مش دنيتي
ولا الزمان ده زماني
ولا ملامحيي دي ملامحي
ولا كياني هوّه كياني
تايهة ملامحي في الوشوش
أمشي الطريق وماعرفوش
والرتوش كتيره الرتوش
وكل شىء من غير معاني
الدنيا دي مش دنيتي
ولا الزمان ده زماني
أبدر أفراحي للناس
وماخودش منهم غير أحزان
أفتح بيباني للناس
وادقّ بابهم ألقى الحيطان
بدون أسباب أنا مكروه
بارسم دروب وانا باتوه
قلبي طيّب لكن حيّروه
لمّا أصبح سجني وسجاني
الدنيا دي مش دنيتي
ولا الزمان ده زماني
كل الدروب غروب
كل الشوارع مواجع
وانا ماشي بادوب
في اللي رايح واللي راجع
أغراب يا قلبي أغراب
سراب يا خطوتي سراب
ولا لينا غير العذاب
ولا حلّ غير المواني
الدنيا دي مش دنيتي
ولا الزمان ده زماني
مقالات مشابهه
آخر التحديثات
من قسم آخر
عاجل
راديو القمة
