قد يعجبك أيضاً
إفترقنا ازايّ
على ناصية قلبك الضلمة
ركنت قلبي فوق حجر
لقيتك واقفة وحايرة
وانا بين الريح والمطر
ولأول مرّة الأيادي
تتمدّ .. لكن تنكسر
ولأول مرّة الغيم
يفرق ما بيني وبينك مداين
...ما تتمشيش على جرحي
وما تلعبيش جوّه قلبي في المطارح
يكفيكي حيرتي وتوهتي
يكفيكي إني ماشي وانا سارح
قلبك حجر ودي غلطتي
إني قابلته ف سكّتي
وعشقتك رغم اختلافنا
ورغم رفض الناس والقدر
...من صغري وانا عاشق انهزم
ألف مرّه كل يوم
واحنّي ملامحي بأحزاني
واقع لكن باقوم
بس المرّة دي دي آخر مرّة
ولا حاقدر اكون فارس منتظر
...هجرك ليّا فوق احتمالي
والدموع جوّه قلبي ممرّرة
كل الحيطان فوقها حروفنا
بس الحروف متبعترة
...
أنا ماعرفش افترقنا ازاي
قبل ما قلبك ..
يحفظ حرف واحد من إسمي
مقالات مشابهه
آخر التحديثات
من قسم آخر
عاجل
راديو القمة
