☆مين فيكم مقابلش غريب 
☆وشاف فعنيه حزن غريب 
☆مين فيكم مقابلش الضحك
☆متلون فشكل مساطر
☆ويكون مربوط بالدفوف وتسقف وراها الكفوف 
☆ وأنت بعيد أيوة بعيد فمشوار أو فالبيت
☆ أجرى ونط على الشباك يمكن شارعك
☆شايل حواديد تتحكى لقلب مبيملش
☆مبيقفلشي ببساطة منك ميجاملش
☆ولا يمثل ولا بينكم جدار من العزلة
☆ولا الهروب على سهوة حد يملك كهوف قلبك 
☆تشوف الضحكة مش مكسوفة
☆سنان تظهر وصوت يطلع مع قفلة عيون 
☆ملهوفة تبص يمين تشوف تايه 
☆ملقاش اللى استناه وسط المكان 
☆ تلاقي حبيب سارح في اللى فات الضحكة
☆فلتت منه مش طولت مهى فعلآ مربكة
☆ربكت قلوب متكركبة ربكتها ربكة متجننة 
☆بعدها بفترة مش بعيدة يدوب القلم
☆ خلص النتيجة ظهرت الضحكة مد البصر
☆محبوسة دوبت تكشيرة جت على ملامح
☆متعقدة مهى بالأصل مش متعقدة زى
☆الضفاير ملفوفة فالأصل كانت مفرودة 
☆كل حاجة أصلها معدولة يمكن الأضافة
☆تحليها وتليق أكتر عليها مهى الضحكة 
☆تليق على الوش متكررة متلونة
☆ مهما كانت تقرب قلوب متحجرة
☆تنهى أى خناقة وتصفي قلوب متعكرة