أنا عربي فلسطيني وأفدي بروحي أوطاني
و بـأحلف لازم الاقصي حتطلع شمسه من تاني
ومش خايف في يوم أرجع وانا ملفوف في اكفاني
إن استشهدت رايح آخد علم بلدي في أحضاني
وحتة صخرة في إيدي راح احدفها علي الجاني
تصرخ صخرتي صرخة تصحي كل اشجاني
في وش الكافر المرعوب بافرّغ فيها أحزاني
كل سلاحه ايه يسوي جنب عقيدتي وإيماني
قزم برغم جبروته جبان خوّاف وبيعاني
يموت من الرعب لو قابل طفل في دمه ألحاني
أنا صرخة مدوية بتملا كل وجداني
أنا عن حقي مش ح أسكت وكل الناس سامعاني
بني صهيون لازم تعرف أنا والعرب إخواني
تعاهدنا في إيد واحدة حترجع قدسنا تاني
شمس الظلم راح تغرب وييجي الخير لعنواني
يعوضنا سنين راحت أنا والشهدا اقراني
آلاف استشهدوا في أرضك يا أحلي درة في زماني
نموت وتحيا يا أقصي يا أحلي غنوة في لساني