علق المطرب رامي صبري من خلال حسابه الشخصي  على موقع التواصل الاجتماعي "فيس بوك" على موقفه من تسريب ألبومه الجديد قائلا "بعد صدمتى وصدمة كل الناس اللى اشتغلت على ألبومى الجديد لما سمعنا التسريب إمبارح وبالكوالتى اللى اتسرب بيه نزلت إمبارح بوست أن فى شركة هى السبب فى وصول الألبوم للمواقع بالشكل ده لكنى اكتشفت أن الشركة دى ملهاش علاقة بالموضوع وأنها بتقدم خدمة لعملائها بالاتفاق مع الشركة المنتجة أنهم يكونوا أول ناس تسمع أغنيات الألبوم بتاعى قبل أى حد تانى وكانت الأغانى هاى كواليتى؛

وأضاف صبري وللأسف بعض من أصحاب مواقع التزوير والقرصنة استغلوا الخدمة ورفعوا الألبوم وسربوه بالكواليتى السيئ اللى سمعتوه وضيعوا تعبى وتعب كل الناس اللى اشتغلت على الألبوم بقالها سنة ونص بداية من المؤلفين والملحنين وشركة مزيكا اللى أنتجت الألبوم علشان يطلع بأحسن شكل وأحسن كوالتى وأضاف "الناس دى بتدمر تعب ناس كتير وبتدمر صناعة كاملة، مجهود وفلوس بتروح على الأرض كم الإحباط اللى عيشته إمبارح بعد لما سمعت التسريب وحسيت أن كل حاجة عملتها ضاعت فى لحظة مش أنا بس كل الناس اللى اشتغلت على الألبوم.