زلزال بصرخة وجع هز الاساس
اتهزت الصورة
وقع البرواز انكسر الازاز
ضاع الأمان والأخلاص

مات الحنان والشوق
والحب والاحساس
اتهزت الصورة

مش بستنى رجوعه تاني ولا بتمنى
مباقتشي ذكرى وماضي بينا ح يفكرني
هو اللي اختار يكمل من غيري لوحده المشوار
ويبيع ويخون وقلبه يخسرني

اتهزت الصورة
رضيت بقدري وقسمتي
اداري ألامي وارسم ف عيني
كدبة ضحكتي

قفلت عليا بابي
مع نفسي راجعت حسابي
مين شاريني ومين بايعني
مين مخلص ومين خدعني

كانت النتيجة اصعب قرار
تكون سعادتي ف وحدتي
واكتب حكايتي وقصتي
واكتم جوايا آهاتي

وامسح بإيدي دمعتي
اتغيرت كل حياتي من بعده
نسيته خلاص ونسيت وعده
مابقاش هو زي ما هو

كان صعب انه ف يوم يفهمني
تعبني قلبه كتير وظلمني
اتهزت الصورة
وروحي عليه مش مجبورة

هات كل خداعك
يا زماني
من النهاردة أنا إنسان تاني
حابعد عن كل شئ يألمني

اتهزت الصورة