قومنا وعملنا ثوره
وقلنا تغيير
وجبنا اللي جوه
واللي بره
وكمان تشهير
ومتجمعين في
قلب ميدان
بين صوت عالي
وكمان تصفير

بنقول أرحل أرحل
ما كفايه بقي ما ترحل
قال اصبروا عليا
لاحسن الدنيا
من بعدي هتوحل

ولا همنا ولا هزنا
عايزين حريه
وعدالة اجتماعية
ومن هنا بدأ ت القضية

بشيخ وبدقن ملوش حل
وعنده . خير الكلام
ما قل ودل
وبعدها عمل عمايل
تتطير العقل

وبعدين. هواانا موعود
واحد مخدرنا ٣٠سنه
ومش حاسييين
والتاني في خلال سنه
مش عارفين حته نجيب
ربطة جرجير

قومنا وعملنا ثوره
وقلنا تغيير
يارب اوعدنا براجل
يكون أمين
يحس بينا ويقف معانا
عشان تعبنا من التغيير

جالنا برده واحد عسكري
هيحمي البلد من المفتري
اقفو معايا واستحملوني
انت وهيا بقول أستحملي

قلنا ماشي واحنا معاك
وفي كل حته تلاقينا وراك
هندافع وهنتحمل حتي
لو شفنا الهلاك

قال البلد واقعه
وكمان مفيش
ديون في الداخل
وكمان في الخارج
وياريت متستغربيش
البلد كانت منهوبه
من كتر التنهيش
طيب هجيب منين
وانا معييش

الحل ايه ؟
هنقضيها قروض
والقروض دي ليها حدود
ازاي ازا كان المبدء
كمان مرفوض

هنفضل طول
عمرنا مزنوقين
والعيشه هتغلي
وهنبقي مخنوقين

وجه الوقت
ومفيش اختيار
لتعيش في الجنه
لتعيش في النار
لأما يجينا الأستعمار
اتحملو لحد ما
يكمل المشوار
وبدأ غلو الأسعار
والأسعار بقت نار
والمواطن كمان محتار
العيشه صعبه
وخلاص أنهار

بيقول شويه
والأزمه تعدي
وانا زيكم همسك
كمان علي بطني
انا مش قادر
وخلاص نفد صبري
عيني عليا كتر اوي همي
أمته بقي يرتاح بالي
والاقي نفسي من تاني
عشان تعبت من التغيير
هيا حاجه واحده بس نقصانا
يبقي الشعب صافي الضمير