الإنسان الذي لا يستشعر النعم في حياته دائما ما يتجهم في حديثه حين يطالبه أحدهم أن يقدم الشكر لله لانه لايراها، في حين أنه لو ترك لقلبه أن يبصر لرأي الكثير منها والتي تستحق منه الشكر العميق.

فإن كان الشكر كلمة بسيطة لكنها تحمل كل معاني الحب وتعود علي الإنسان بالبركه والخير فليست عطية بلا زيادة إلا التي بلا شكر.

لكن من نشكر ولماذا؟

أن كان علينا أن نقدم الشكر فلابد أن يقدم الشكر أولا إلي الله ومن بعده العالم فعلي سبيل المثال:

*أشكر ربنا علي كل حاجه في حياتك سواء حلوه أو مره

"الشكر يزيد من الحلو ويقلل أوقات التجربة والضيق ".

*أشكر أفراد أسرتك علي الدفا اللي بتحس بيه في وجودهم

"هتزيد أوقاتكم الحلوه مع بعض وسيصغوا أكثر لكلامك"

* اشكر جيرانك علي أي حاجة وكل حاجة .

"حتقرب أكتر منهم و تزول الحواجز ويفضل بس الحب يجمع بينكم".

*اشكر اصدقائك على وجودهم حواليك

"تلاقيهم طوق نجاه لو في يوم الدنيا ضاقت عليك".

*اشكر عامل النظافه اللي بيشتغل في الشارع أو في البيت

"حيبذل اكتر ومش حيتكسف من شغله وحيفرح بيه".

* اشكر حارس العقار اللى انت ساكن فيه

"هتفرحه لما تقدره وده حينعكس علي عمله وبذله بالتالي عليك" .

*اشكر الطبيعه ، الهواء والميه ، البحر والسما

"ده حديث الشكر بينكم حينقلك نقله نفسيه كبيره".

* اشكر كل حد على كل شئ واي شئ .

*خلي كل يوم في حياتك عيد شكر .

*بشكركم جميعاً أصدقاء وأهل وجيران وحبايب وناس ما شفتهاش قاعده تقرأ الكلام اللي كتبته هنا.

شكراً من القلب لله ولكل قلب.