خلى روحك تستخبي من غابة البشر العجيبة

وأدى نفسك فرصة تخاطب روحك البعيدة

كم مره بعدت عن روحك ونسيت تضحك ليها

وفر غيرتك بالمحايلة حسسها بحبك

وأنها منك ،وفحياتك ايه غيرها شاغلك

أمحى قساوتك وأوفي بوعدك كل الطيب

لحياتها هتبنى وإن وجودك لسعادتها

قلب البنت زى الوردة تسقي هتجنى منها محبة

مش لتاخدها عند بعند وتسمعها كلام يتعبها

خدها صديقة رفيقة حبيبة وبترعاها

°• تشد جذورها •°

تحبك أكتر وعنيها تورد بكل حياة

•°وقلبها يبرق•°

كام سنة هتعيش وياها تجدد بيك روحك بيها

تضحك أكتر تمدح فيك تحكى عنك

قصص من تأليفها عنك وعنها

أيوة أميرها عيشها بكل حنان

•° ترسم بخيالها •°

حياة لقدام ,كل مفاتيح الخير فأيديك

تعكس صورتك لملامح فيها وتمد أصولها

لأطفالك وأطفالها وتربيهم زى

•° ماقلبك أتمناهم •°

بشكل يليق بصبر وبيت وسعادة

وسلام تجاور نظرة حب وأمان

من غير قهر ولا بزعيق

دلل وأعطف وأسعد فيها

وأرفق بسكوت غير فيها

وأياك يوم تنسي الشكر وكلمة جميلة

تحبب روحها وتحى النبته اللى بديتها

وهتكملها وياك لأخر لحظة

يوم تغمض عينك لحظة يجى ببالك

مليون تفسير يمكن ما تشوفها

أو تصبح ناسى مين ولمين كنت بتسعى

لما بس تعيش لهواها وتشبه روحها

وروحك تقوى سنين بعنيها

وأوعى فيوم تبكيها أو تحرمها وتمنعها

ولا سيطرة على كل كيانها

كيانها معاك يقوى بمساندة

وتداويها بحبك ليها زى الطفلة

•° محتاجة للعبة •°

زى الطفلة بتحب الحرية

تشوف الفرحة بعيونها روحك أغلى شيىء

فحياتها غير نفسك وأتغير ليها

الحياة بسيطة والدنيا بتحلى بيها