ليه ياقلبي واخدني لسكه جراح

حتي لو أسيت لو عانيت

لو من الوجع والهجر انكويت

كل مره تقول خلاص

حيرجع ونلاقي من الأنين خلاص

تاني تنجرح ومن الألم تنكسرجواك حاجات

نفسي ياقلبي اللي مليان بالآهات

تتوب وتبعد وتأخذني ونهرب

كل يوم يعدي في عنيه بدوب

كل يوم اتوه ولصوته اشتاق مااتوب

كفايه بقي ...

ليه تتوجع

ليه تنكسر

ليه تدوب في قسوه مليه القلوب

ليه تنادي علي قلب لقالك بديل

ليه بتحلم بيه وهو عنك بعيد

بطلت أسامح وعرفت اتوب

لو قلب هاجر

انا قلبي نادر

لو حب راح

انا عمري راح

مش كل مره حكون وراك

المره ديه انا مش معاك

انساني ياقلبي ومتبقاش أناني

انا نفسي اعيش...

نفسي ..

اضحك وانا عايشه جواه

ولو يوم بكيت

دمعتي تزل من عنيه

وان يوم هجرت

ألاقيه ماسكني بكل مالديه

وان يوم عاندت يلين

وفي حضني ألاقيه

كتير ياقلبي بعد السنين

ارتاح شويه من الأنين

كتير ياقلبي بعد السنين

الاقي نفسه يدفي الجبين

كتير ياقلبي

وليه كتير

لأ مش كتيير

بس محتاجه قلب يكون امين

شاري قلبي بعمر وسنين

رامي وراه كل الجراح والأنين

ناسي نفسه جوا نفسي والحنين

راضي يدفع كل فواتير العمر الحزين

راضي حضني يكون له براح السنين

لأ مش كتيير

قلبي بستان ..

ورده فتح لما تسقيه من حنانك

عقلي كتاب..

اوراقه بيضا تملاها بأمانك

بس انت فين ؟؟؟

انا محتجالك.