صرختي ياحزينه وقولتي اغور امتي
-ده جلعك فيه ودلالك 
-لما تنوري الشارع يازينة الحته
 -وقولت برنسيسة تغير حالك

-عايزه تتستتي طب ومالوا
-أنسي الدلع ويا دلاالو 
-ماهما غرهم جاهو ومالو
 -وحكم سي السيد اتغر بحالو

-زعق وعلي صوتك وعين قادحه 
-انتي تنامي تتدللي ولغير كده مش فالحه
-انا عايز جميله بس تكون قارحه 
 -تشيل همي وهم عيلتي وفالخدمه ناصحه

-لطمت ومن مرار حالي قولت واااي 
-قولت اتستت لقيته حنضل ياباااي
-شوفت اللي ما شفتهوش
-وسمعت اللي مااسمعتهوش
-وراح دلعي ودلاله في بيتك ياباي 
 -صرخت والصرخه عاليه وقولت جاي

-اهو استتي ياقرشاهم
 -ومن المرار رجعتي وشوفتي الويل وياهم

-يا بيت ابويا دلعي فيك
-وبيت خليلي ذلاني 
-ولما اتمنيت هجرك
-على جمر النار جسدي قلاني 
-رجعت ليك
-وعلى وجعي شوفت دموع حباني 
-قالوا يا سايقه دلالك 
-جنان القلب عالعقل جاني
-اوزني أمورك
-انتي مش قد وجع تاني
-ده الحزن هيبقي شديد
 -وتقولي راح زماني

-وكبر العقل قبل السن
-وتفكيره زي سكينه بتتجر عالمسن 
-وتطلع الكلمه تدبح اللي قدامك 
-وتادب قلبك لو في لحظه حن
-و الله يرحم زمن الدلال 
 - ده دلوقتي في كل خرابه تلاقي جن