ثرثرة

ثرثرة

إتكلم وزيد مخلاص

القرن طلع له قرن

ومحدش عن القرن

ده يتكلم والقرن

كبر وطلع له قرنين

متسألش ومتعِدِش

في الكلام كله خلصان

هريك مش نافع يا فاهم

ده لو كنت فاهم يا فاهم

فهم اخوك وكل إلي معاه

بس انا عارف لا انت فاهم

ولا هتعرف تفهم أخوك

كله كدب على الدقون

بس واجب علي اصدق

والواجب علي هو واجب

عن المكتوب مفيش مهرب

بس اعمل ايه القرن

شابك وراكب ومعدي

وعلى الكبير والصغير دايس

مش عاتق حد

وكبر الجد فينا قلنا براحتنا

ومحدش علينا يقدر

يا عم مش قلنا كله هري

وكلام الليل زي الزبده

تطلع عليها النهار تسيح

بس برده محدش يقدر علينا

دحنا نطلع عليهم بالشوم

نطحنهم ونخلي كبيرهم صغير

صدقني انا مصدقك ودليل

صدقي ليك القرن ابو قرنين

ده ان كان عاجبك وبرده براحتك

عيش وخلي غيرك يموت

عملنا زي إلي قال مادام الدم

بعيد عن بيتي وناسي

وأهلي مليش دعوه

انت مش عارف بكره

عليك الدور

افهم يا فاهم وفهم أخوك

يمكن تفهم ويفهم اخوك

الكلمات المفتاحية

مقالات مشابهه

من قسم آخر


التعليقات

ضعي تعليقَكِ هنا

التقيمات

راديو القمة

radio

الأكثر قراءة

فيس بوك

a
;